काठमाडौँ– सभामुख अग्निप्रसाद सापकोटाले संसदलाई घेराबन्दीमा पारिएको बताएका छन् ।

नेपाल पत्रकार महासंघको नवनिर्वाचित पदाधिकारीको पदभार ग्रहण कार्यक्रममा बोल्दै सभामुख सापकोटाले संसदमाथि घेराबन्दी भइरहेको बताएका हुन् ।

‘व्यक्तिबीचको टक्कर हो कि भनेर बहस भइरहेको छ । तर त्यसो होइन, यो टक्कर लोकतान्त्रिक मुल्य मान्यतालाई अघि बढाउने विषयसँग सम्बन्धित छ । राष्ट्रिय हितका विषयमा दृढतापूर्वक अघि बढेपछि संसदमाथि  निकै ठूला घेराबन्दी भइरहेका छ । त्यसका विषयमा अनेक खालका टिप्पणी भइरहेका छन्,’ उनले भने

संसदलाई समेत प्रभावमा पार्न खोजेको उनले आरोप लगाएका छन् ।

उनले भने,‘ कसैको दबाब, प्रभावमा काम गरेको छैन । मेरो भूमिका स्वतन्त्र रहेको छ । अहिले जनताले २ सय ७५ जनालाई सार्वभौमसत्ता सुम्पेका छन् । त्यो अधिकार खास-खास बेलामा सभामुखमा केन्द्रित हुन्छ । सबै जनताको भावना बुझेर अघि बढ्नुपर्ने हुन्छ ।’

केही दिनयता प्रधानमन्त्री केपी शर्मा ओलीले सभामुखले अनैतिक काम गरेको भन्दै आलोचना गर्दै आएका छन् ।