मोरङ – मोरङमा ट्रकको ठक्करबाट मोटरसाईकल चालकको मृत्यु भएको छ । बुढिगंगा गाउँपालिका – ४ नेमुवा चौकस्थित कोशीराजमार्गमा ट्रकको ठक्करबाट मोटरसाईकल चालकको मृत्यु भएको हो ।

आइतबार बिहान सवा १० बजे उत्तर जाँदै गरेको ना ६ ख ३०४० नम्बरको ट्रकले को ९ प २६८१ नम्बरको मोटरसाईकललाई ओभरटेक गर्ने क्रममा ठक्कर दिँदा मोटरसाईकल चालक विराटनगर १४ जतुवाका ४५ बर्षीय अन्जनी सिंह गम्भीर घाईते भएका थिए ।

घाईते सिंहको बिराट मेडिकल कलेज गंगाचौकमा उपचारको क्रममा बिहान पौने ११ बजे मृत्यु भएको जिल्ला प्रहरी कार्यालय मोरङले जनाएको छ ।

ट्रक चालक बारा निजगड कोल्बी नगरपालिका – २ का ३२ बर्षीय भिमबहादुर बिकलाई प्रहरीले नियन्त्रणमा लिएको छ ।