पोखरा – गण्डकी प्रदेशका आन्तरिक मामिला तथा कानुन मन्त्रीबाट हरिबहादुर चुमानले राजीनामा दिएपछि प्रदेशका भौतिक पूर्वाधार तथा विकासमन्त्री रामशरण बस्नेतलाई यो मन्त्रालयको जिम्मेवारी दिइएको छ ।

गण्डकी प्रदेशका भौतिक पूर्वाधार तथा विकासमन्त्री बस्नेतलाई आन्तरिक मामिला तथा कानुन मन्त्रालयको पनि जिम्मेवारी दिइएको हो । मन्त्री बस्नेतले शुक्रबार कानून मन्त्रालयको पनि पदभार ग्रहण गरे ।

बस्नेत नेकपा एमालेबाट गोरखा निर्वाचन क्षेत्र १ (ख)बाट निर्वाचित भएका हुन् ।

भूमि, व्यवस्था, कृषि तथा सहकारी मन्त्रालयमा जिम्मेवारी भने मुख्यमन्त्री पृथ्वीसुब्बा गुरुङले लिएका छन् ।

नेकपा माओवादी केन्द्रबाट भूमि, व्यवस्था, कृषि तथा सहकारी मन्त्रालय सम्हालेका लेखबहादुर थापामगर र आन्तरिक मामिला तथा कानुन मन्त्रालय सम्हालेका चुमानले बुधबार राजीनामा दिएका थिए ।