बेइजिङ–जब हामी एक्सन फिल्मको कुरा गर्छौ, त्यो समयमा अभिनेता ज्याकी च्यानको नाम अवश्य लिन्छौं । हङकङका यी मार्सल आर्ट खेलाडीले आफ्नो करियरको सुरुवात ५ वर्षको उमेरमै गरेका थिए ।

अमर उजालामा प्रकाशित समाचारअनुसार उनको उमेर बढेसँगै फिल्मको संख्या पनि उल्लेख्य बढ्यो । उनलाई पर्दामा ब्रुस लीको रिप्लेसमेन्टसमेत भनियो ।

ज्याकीलाई ‘हङकङ एभेन्यू अफ स्टार्स’ र ‘हलिउड वक अफ फेम’ जस्तो उपाधि पनि दिइएको छ । उनी बुधबार आफ्नो ६६ औं जन्मदिन मनाउदैछन् ।

ज्याकीले फिल्म ‘हू एम आई’मा सहायक निर्देशक र सहायक लेखकका रुपमा काम गरेका थिए । च्यानले यो फिल्ममा एक सिक्रेट सोल्जको भूमिका निभाएका थिए । जो तीन वैज्ञानिकको भण्डाफोर गर्ने अभियानमा हुन्छन ।

फिल्ममा उनले आफ्नो स्मरण शक्ति गुमाउछन् । एक्सन र कमेडीको मिश्रण रहेको यो फिल्मलाई दर्शकले निकै मनपराएका छन् ।

ज्याकीले फिल्म ‘पुलिस स्टोरी’मा एक प्रहरीको भूमिका निभाएका छन् । जो गलत तरिकाबाट फसाइएपछि जेलबाट फरार हुन्छन् । यो फिल्ममा कमिक टाइमिङ र स्टन्ट एक्सन यति सानदार छ कि फिल्म हेरेपछि जोकोही यसको तारिफ गर्छन् । यो फिल्मको पाँच सिक्वेल बनाइएको छ ।

एक्सन कमेडी फिल्म फिल्म ‘रंबल इन ब्रोंक्स’मा च्यानले हङकङको एक प्रहरीको भूमिकामा अभिनय गरेका थिए । जो आफ्नो हजुरबुवाको सुपरमार्केट बेच्नलाई सहयोग गर्न न्यूयोर्क आउछन् ।

यसपछि कथामा कैयौं ट्वीस्ट आउछन् र ज्याकी आफैं अपराधीसँग अपराधमा लिप्त हुन्छन् ।

फिल्म ‘ड्रंकन मास्टर २’मा च्यान एक प्रख्यात मार्सल कलाकारको रुपमा अभिनय गरेका छन् । यो फिल्म ‘ड्रंकन मास्टर’को सिक्वेल थियो । आफ्नो कमेडी टाइमिङसँगै ज्याकीले यो फिल्ममा कैयौं एक्सन दृश्य पनि दिएका छन् ।

कमेडी र एक्सनले भरिपूर्ण फिल्म ‘रश आवर’मा ज्याकी एकपटक पुनः प्रहरीको भूमिका निभाएका थिए । फिल्ममा उनीबाहेक क्रिस टकर पनि प्रमुख भूमिकामा थिए । फिल्मको एक्सन र दुबै स्टारको जुगलबन्दीले लाखौं दर्शकको मन जितेको थियो ।