मुम्बई–भारतीय क्रिकेटका सफल कप्तान महेन्द्रसिंह धोनी एक जासुसी एनिमेटेड सिरिज ‘क्याप्टेन ७’ निर्माण गर्दैछन् ।

यो सिरिज पूर्ण रुपमा धोनीमाथि आधारित हुनेछ । त्यहीकारण यसको नाम ‘क्याप्टेन ७’ राखिएको छ । धोनी जहिल्यै पनि क्रिकेटमा ७ नम्बरको जर्सी लगाउथे । यो सिरिजको पहिलो सिजन प्री–प्रोडक्सन चरणमा छ ।

नवभारत टाइम्समा प्रकाशित समाचारअनुसार धोनी र उनकी पत्नी साक्षी धोनीको प्रोडक्सन हाउस धोनी इन्टरटेनमैन्ट र ब्ल्याक ह्वाइट ओरेन्ज ब्रेण्डको व्यानरमा यो सिरिज निर्माण हुँदैछ ।

यो भारतको पहिलो एनिमेटेड स्पाई सिरिज हुनेछ र यसको पहिलो सिजन सन् २०२२ मा रिलिज गरिनेछ ।

‘यसको कथा र अवधारणा राम्रो छ । यसका माध्यमबाट म क्रिकेटका अलावा अन्य मेरो इच्छालाई दर्शकमाझ देखाउनेछु’ उनले भनेका छन् ।
धोनी पत्नी माहीले धोनीको सिरिजले दर्शकलाई रोमाञ्चित बनाउने बताइन् ।

धोनीको बायोपिक ‘एमएस धोनीः द अनटोल्ड स्टोरी’ बनिसकेको छ । यो फिल्मलाई दर्शकले निकै मनपराएका थिए । फिल्ममा सुशान्त सिंह राजपूतले धोनी र कियारा आडवाणीले साक्षीको भूमिका निभाएका थिए ।