मुम्बई– बलिउडका ‘खेलाडी कुमार’ले परिचित अभिनेता अक्षय कुमारलाई कोरोना संक्रमण भएको छ । ५३ वर्षीया अभिनेताले सामाजिक सञ्जालमा आफू कोरोना संक्रमित भएको जानकारी दिएका हुन् ।

दैनिक भास्करमा प्रकाशित समाचारअनुसार उनले एक पोस्ट लेख्दै आफूमा संक्रमित भएको बताएका हुन् ।

‘म सबैलाई यो कुरा भन्न चाहन्छु कि आज बिहान मेरो कोभिड–१९ टेस्ट पोजिटिभ आएको छ । सबै प्रोटोकलको पालना गरिरहेको छु । मैले तुरुन्त आफूलाई आइसोलेट गरिसकेको छु । म होम क्वारेन्टाइनमा छु र आवश्यक स्वास्थ्य सहयोग लिइरहेको छु । मेरो सम्पर्कमा आएका सबैले आफ्नो टेस्ट गराउनुहोला । चाँडै नै एक्सनमा फर्किनेछु’, उनले लेखेका छन् ।

अक्षय मुम्बईमा नयाँ फिल्म ‘राम सेतु’को सुटिङ गरिरहेका थिए । चार दिन पहिला नै उनले फिल्ममा आफ्नो लुक्स सार्वजनिक गरेका थिए । फिल्ममा उनी एक पुरातत्वविदको भूमिका निभाउदैछन् ।