काठमाडौँ– नेकपा एमालेका नेता भीम रावलले महाकालीमा भारतले एकतर्फी तटबन्ध निर्माण जारी राख्दा समेत सरकार गम्भीर नबनेको आरोप लगाएका छन् ।

संघीय संसद अन्तर्गतको राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिको बैठकमा नेता रावलले अति संवेदनशील विषयमा पनि सरकारको कुनै धारणा नआउनु लापरबाही भएको बताएका हुन् ।

उनले भने, ‘यस विषयमा सरकारले चासो नलिनु लापरबाही हो, नेपालको भौगोलिक अखण्डताको रक्षाका लागि सरकारले तत्काल वार्ता गर्नुपर्छ।’

संसदीय समितिको बैठकले दार्चुला सदरमुकाम पारिपट्टि एकतर्फी रूपमा तटबन्ध निर्माण जारी राखेको विषयमा भारतसँग वार्ता गर्न सरकारलाई निर्देशन दिएको छ ।