काठमाडौं–गायिका सहिमा श्रेष्ठ र विक्रम रानाको स्वरमा रहेको गीत ‘मोटर सरर’को भिडियो सार्वजनिक भएको छ । अमर वन्तुको शब्द रहेको गीतमा राजनराज सिवाकोटीको संगीत रहेको छ ।

सुब्रतराज आचार्यको निर्देशन रहेको भिडियो दुर्गेश थापा, विजय पुन, गीता ढुंगाना र सजिना श्रेष्ठको अभिनय रहेको छ । सजीनाले यसै भिडियोबाट अभिनयमा डेब्यू गरेकी हुन् ।

गायक दुर्गेश थापाले यस गीतमा आकर्षक नृत्य गरेका छन् । दुर्गेशको साथमा विजय, गीता र सजीनाको नृत्य पनि उत्तिकै आकर्षक रहेको छ ।

यात्राको क्रममा भेटिएका युवायुवतीहरुबीच शुरु भएको प्रेमलाई गीतको कथामा समेटिएको छ । यो गीतको भिडियोमा प्रमोद के भण्डारीको कोरियोग्राफी, उत्सव दाहालको छायांकन र विकास दाहालको सम्पादन छ ।

भिडियोकी क्रियटिभ डाईरेक्टर जया शर्मा हुन् । भिडियोका प्रोडक्शन डिजाईनर दीपेन गौतम ‘माईकल’ हुन् ।