काठमाडौँ– बुधबार साँझ काठमाडौँ उपत्यकासहित देशका पहाडी भेगमा हल्का वर्षा भएको छ ।
काठमाडौं उपत्यकासहित नगरकोट, काभ्रेको धुलिखेल लगायतका ठाउँमा हल्का वर्षा भइरहेको जल तथा मौसम पूर्वानुमान महाशाखाले जनाएको छ ।
महाशाखाकी मौसमविद शान्ति कँडेलका अनुसार उपत्यकासहित कास्की लगायतका जिल्लामा पनि वर्षा भइरहेको छ । यो वर्षा क्षणिक भएको मौसम महाशाखाले जनाएको छ ।
वर्षा भएसँगै काठमाडौं उपत्यका लगायतका ठाउँमा देखिएको वायु प्रदूषणमा केही राहत मिल्ने अपेक्षा गरिएको छ । सामान्य वर्षा भएका कारण तत्काल पूर्ण रुपमा वायू प्रदूषण भने नहट्ने उनले बताइन् ।
सरकारले वायू प्रदूषण बढेसँगै सम्पूर्ण शैक्षिक संस्था बन्द गरेको छ ।
प्रतिक्रिया