काठमाडौँ– पूर्वप्रधानमन्त्री तथा जनता समाजवादी पार्टीका नेता डा. बाबुराम भट्टराईले पत्नी हिसिला यमिसँग विवाह गर्दाको प्रतिज्ञापत्र सार्वजनिक गरेका छन् ।

आफ्नो विवाहको ४० वर्ष पूरा भएको सन्दर्भमा डा भट्टराईले सामाजिक सञ्जालमार्फत केही तस्वीरहरुसहित विवाहको खुला प्रतिज्ञा पत्र समेत सार्वजनिक गरेका हुन् ।

पत्रमा उनीहरुबीच विवाह पश्चात आफूहरुमा निहीत् मानवीय शक्तिलाई विवेश तरिकाले प्रयोग गर्ने उल्लेख गरिएको छ ।

‘आफूमा निहीत मानवीय शक्तिलाई विवेक तरिकाले प्रयोग गर्नेछौं र हामीले मानव समाजलाई प्रगतिशील रुपले उच्चतर अवस्थामा विकास गर्न निभाउनुपर्ने भूमिकालई पूर्ण इमान्दारीका साथ पूरा गर्नेछौं ।’

आफ्नो विवाहको सन्दर्भमा बाबुरा भट्टराइ र हिसिला यामिले गरेका खुला प्रतिज्ञा

हाम्रा एक अर्का प्रतिका शारीरिक, मानसिक र आत्मीय लगावलाई सामाजिक मान्यता दिने यस घडीमा (जसलाई साधारण तया विवाहको संज्ञा दिइन्छ) हामी आफ्नो स्वतन्त्र मष्तिष्कले प्रतिज्ञा गर्दछौं कि हामी आफूमा निहीत मानवीय शक्तिलाई विवेक तरिकाले प्रयोग गर्नेछौं र हामीले मानव समाजलाई प्रगतिशील रुपले उच्चतर अवस्थामा विकास गर्न निभाउनुपर्ने भूमिकालई पूर्ण इमान्दारीका साथ पूरा गर्नेछौं।

मानव इतिहासका विभिन्न अवस्थामा सत्ताशीनहरुले मानवीय सम्बन्धमा घुसाएका विभिन्न खाले शोषणका माध्यमहरु जस्तै धर्म, जातिवाद, अन्धविश्वास आदिलाई पूर्णरुपले नकार्छौं र लैगिंक विषमतामुक्त र प्रत्येक सहकर्मीको वैचारिक र कार्यमत स्वतन्त्रतालाई व्यवहारिक मान्यता दिने दाम्पत्य जीवन बिताउन कृत संकल्प छौँ ।

हामी यो विशेष प्रकाकारे मानवीय सम्बन्धमा आफ्नो स्वतन्त्र इच्छा र विवेकले प्रवेश गर्दछौं र जबसम्म यसले हाम्रा आपसी आकांक्ष पूर्ति गर्नेछ र हाम्रो उच्चतर व्यक्तित्वको विकासमा सघाउ पुर्‍याउनेछ तबसम्म यसलाई अविच्छिन्न कायम राख्ने प्रतिज्ञा गर्दछौं ।
यसको साथै हामी आफ्नो आजदेखि पति र पत्नीको सम्बन्ध जोडिएको घोषणा गर्दछौँ

मिति १६ चैत २०३७