विराटनगर- नेकपा एमाले माधव नेपाल समूहका सांसदहरुले प्रदेश १ का मुख्यमन्त्री शेरधन राईविरुद्धको अविश्वास प्रस्तावमाथिको समर्थन फिर्ता लिएका छन् ।

मंगलबार सामूहिक रुपमा १६ जना सांसदले अविश्वास प्रस्तावमाथिको समर्थन फिर्ता लिएका हुन् । गत बुधबार बसेको नेकपा संसदीय दलको बैठकमा मुख्यमन्त्री राईले सात दिनभित्र हस्ताक्षर फिर्ता लिन निर्देशन दिएका थिए ।

उक्त निर्देशनपछि मङ्गलबार १६ जना सांसदले हस्ताक्षर फिर्ता लिएको प्रदेशसभा सचिवालयले जानकारी दिएको छ।

गत पुस १२ गते तत्कालीन नेकपा प्रचण्ड-माधव समूहका ३७ जना सदस्यले अविश्वास प्रस्ताव दर्ता गराएका थिए ।

माधव नेपाल समूहका पाँच जना सांसदले यसअघि नै हस्ताक्षर फिर्ता लिइसकेका छन्।

यस्तो छ समर्थन फिर्ताको पत्र