मुम्बई – डिसेम्बर २०१८ मा शाहरुख खानको फिल्म ‘जिरो’ बक्स अफिसमा असफल रह्यो । यो फिल्मबाट उनी निकै आशावादी थिए । तर, फिल्म चिप्लियो । बक्स अफिसमा फिल्म फ्लप भएको स्वीकार्न पनि शाहरुख खान पछि हटेनन् ।

हालै चीनमा दिएको एक अन्तर्वार्तामा शाहरुख खानले अब आफूलाई अभिनय गर्ने मन नलागेको बताएका छन् । उनले उक्त अन्तर्वार्तामा भने, ‘अब मलाई अभिनय गर्न खासै मन लागेको छैन, सोचिरहेको छु कि, अब म फिल्म हेरुँ, स्किृप्ट सुनूँ र किताब पढुँ ।’

उनले आफ्नो छोराको क्याम्पस जीवन पनि सकिन लागेको बताएका छन् । उनकी छोरी सुहाना भने अझै पनि कलेजमै पढ्दैछिन् । शाहरुखले अब आफ्नो बाँकी समय परिवारसँग बिताउन चाहेको पनि बताएका छन् ।

‘मैले पहिले पनि भनेको थिएँ, कि म जुन महिनाबाट फिल्म शुरु गर्नेछु, तर अब गर्ने छैन, जब मेरो दिलले फिल्ममा काम गर्न भन्छ, त्यसपछि मात्र मैले अभिनय गर्नेछु । जब यो मन मनबाट आउनेछ ।,’ शाहरुखले भनेका छन् ।

उनले अहिले पनि कैयन् कहानी सुन्ने गरेको र झण्डै २० वटा फिल्मको स्किृप्ट सुनिसकेको बताए । तीमध्ये केही भने उनलाई मन परेको छ । तर फिल्ममा खेल्ने नि नखेल्ने भन्नेमा उनले कुनै निर्णय दिन सकेका छैनन् । ‘यदि मैले फिल्म खेल्ने भएँ भने फिल्मको शूटिङ तुरुन्तै शुरु हुनेछ ।,’ शाहरुखले भने ।

उनको ब्यानरमा बनेको फिल्म ‘बदला’ बक्स अफिसमा हिट भएको थियो । उनले अभिनय र आशा गरेको फिल्म ‘जिरो’ बक्स अफिसमा असफल भएको थियो । जसकारण उनी नयाँ फिल्ममा काम गर्न डराइरहेका छन् ।