काठमाडौँ– त्रिदेशीय फुटबलको फाइनल खेलमा नेपालले बंगलादेशविरुद्ध पहिलो गोल गर्दा खेल हेर्न पुगेका प्रधानमन्त्री केपी शर्मा ओली निकै उत्साहित बनेका छन् ।

खेलको १८ औँ मिनेटमा संजोग राईले गोल गरेपछि दशरथ रंगशालाको विशिष्ट कक्षमा बसेर खेल हेरिरहेका प्रधानमन्त्री ओली आसनबाटै उठेर ताली बजाउँदै खेलाडीलाई हौसला प्रदान गरिरहे ।

डी एरियामा पाएको बललाई राईले गोलमा परिणत गरेपछि प्रधानमन्त्री ओलीसँगै नेपाली दर्शक निकै हर्षित देखिए ।
उनीहरुले नेपाली खेलाडीहरुलाई हुटिङमार्फत थप उर्जा दिइरहेका छन् ।

नेपाली खेलाडीमा गोलरक्षकमा किरणकुमार चेम्जोङ, डिफेन्डरमा रन्जित धिमाल, रोहित चन्द, अनन्त तामाङ, दिनेश राजवंशी छन् ।

त्यसैगरी मिडफिल्डरमा त्रिदेव गुरुङ, तेज तामाङ, सन्जोग राई, विशाल राई, सुनील बल रहेका छन् भने फर्वार्डमा अन्जन विष्ट छन् ।