सुर्खेत-  मध्यपश्चिमाञ्चल विश्वविद्यालय केन्द्रीय क्याम्पस सुर्खेतका कागजपत्र अख्तियार दुरुपयोग अनुसनधान आयोगले जफत गरेको छ ।

विश्वविद्यालयको विषयमा उजुरी परेपछि बिहीबार कागजपत्र नियन्त्रणमा लिइएको अख्तियारले जनाएको छ ।

कर्मचारी नियुक्ति सम्बन्धी कागजातहरु आवश्यक अनुसन्धानको लागि नियन्त्रणमा लिएको सुर्खेत अख्तियार कार्यालयका सूचना अधिकारी मेघनाथ सापकोटाले जानकारी दिए ।

उनले भने, ‘नयाँ कर्मचारी भर्नाका सम्बन्धमा उजुरी परेपछि अख्तियारले विश्वविद्यालयमा चिठी दिएर नियमति प्रकिया अनुसार कागजात नियन्त्रणमा लिएको छ ।’

विश्वविद्यालयका पदाधिकारीहरुले आफन्तलाई जागिर दिएको उजुरी परेपछि अख्तियारले आवश्यक अनुसन्धानको लागि कागजात नियन्त्रणमा लिएको उनले बताए ।