सुर्खेत – दैलेखमा आफ्नै आमाले ३ वर्षीय छोराको हत्या गरी आफूले आत्महत्याको प्रयास गरेकी छन् ।
जिल्लाको डुंगेश्वर गाउँपालिका-३ की २९ वर्षीया हिरा थापाले नाबालक छोराको हत्या गरी आत्महत्या प्रयास गरेको प्रहरीले जनाएको छ ।
जिल्ला प्रहरी कार्यालय दैलेखका सूचना अधिकारी प्रहरी निरीक्षक इन्द्रजित सुनारका अनुसार हिराले छोरा उमेशको घाँटी थिचेर हत्या गरेकी हुन् । छोराको हत्यापछि उनले लेक्चा खोलाको भीरबाट हामफालेर आत्महत्या प्रयास गरेकी हुन् ।
उनको हाल प्रहरीको निगरानीमा जिल्ला अस्पताल दैलेखमा उपचार भइरहेको र अवस्था सामान्य रहेको प्रहरी निरीक्षक सुनारले बताए ।
प्रतिक्रिया