मुम्बई– बलिउड अभिनेता शाहरुख खान भारतको लोकप्रिय अभिनेता हुन् । यो कुरामा कुनै शंका नै छैन ।

यही लोकप्रियताको कारण उनले मागे जति पारिश्रमिकमा निर्माताहरु उनलाई फिल्ममा अनुबन्धित गराउछन् भन्ने पछिल्लो उदाहरण फिल्म ‘पठान’लाई हेरे पुग्छ ।

शाहरुखका पछिल्ला फिल्म बक्सअफिसमा फ्लप रहे पनि उनले यशराज फिल्मस्को ‘पठान’मा आफूले मागे जति पारिश्रमिक पाएका छन् । जुन पारिश्रमिक आमिर खान र सलमान खान भन्दा धेरै बढी हो ।

बलिउड लाइफमा प्रकाशित समाचार अनुसार यो फिल्मका लागि शाहरुखले सय करोड पारिश्रमिक लिएका छन् । यसअघि यति धेरै पारिश्रमिक बलिउडमा कोही कलाकारले लिएका थिएनन् ।

फिल्म ‘पठान’मा शाहरुखका अलावा दीपिका पादुकोण, जोन अब्राहम र डिम्पल कपाडियाको अभिनय छ । फिल्ममा अभिनेता सलमान खानको पनि विशेष केमियो रहनेछ ।