काठमाडौं– चारवटा एकीकृत नमूना वस्ती निर्माण पछि धुर्मुस–सुन्तली फाउण्डेसन चितवनमा गौतम बुद्ध अन्तर्राष्ट्रिय क्रिकेट रंगशालामा निर्माणमा व्यस्त छ ।

फाउण्डेसका प्रमुख अभियन्ता सीताराम कट्टेल ‘धुर्मुस’ र कुञ्जना घिमिरे ‘सुन्तली’सहित दर्जनौं कामदार रंगशाला निर्माणमा सक्रिय भएर लागि परेका छन् ।

कोभिड महामारीको समयमा पनि उनीहरु स्वास्थ्य सुरक्षा अपनाएर रंगशाला निर्माणमा खटिए ।

यिनै धुर्मुसले सामाजिक सञ्जाल फेसबुकमा पहिलो चरणको प्याराफिट निर्माण चरणको तस्वीर राखेका छन् । ‘सपना…(पहिलो चरणको प्याराफिटअन्तर्गत तीन हजार दर्शकले खेल हेर्न मिल्ने संरचनाको झलक, ढलानको तयारी)’ भनी क्याप्सन लेखेका छन् ।

तस्वीरमा उनी र रंगशालाको साइट मेनेजर सुरेन्द्र सुवेदीसहित कामदारहरु रात्रीकालिन समयमा काममा व्यस्त देखिन्छन् ।

सुरेन्द्रले पनि वि.सं. २०७७ को लक्ष्य तीन हजार दर्शक अट्ने पहिलो चरणको प्याराफिट निर्माण भनी निर्माणका तस्वीर राखेका छन् ।