मुम्बई– भोजपुरी फिल्मका स्टार खेसारीलाल यादवविरुद्ध लखनऊको गुडम्बा थानमा मुद्दा दर्ता भएको छ । फिल्म निर्देशक आरआर पाण्डेयले खेसारीविरुद्ध एफआईआर दर्ता गराएका हुन् ।

निर्देशक पाण्डेयले खेसारीविरुद्ध गालीगलौज र अभद्र व्यवहार जस्तो आरोप लगाएका छन् ।

आजतकमा प्रकाशित समाचारअनुसार पाण्डेयले खेसारीले सामाजिक सञ्जालका माध्यमबाट सहकर्मी कलाकारलाई धम्काएको दाबी गरेका छन् ।

यो मामलामा शत्रुघ्न यादव उर्फ खेसारीलाल यादवसहित अन्य चार व्यक्तिलाई एफआईआर दर्ता गरिएको छ ।

खेसारीको फ्यान फलोइङ करोडौं छन् । केही समय अघि उनले दिवंगत अभिनेता सुशान्तसिंह राजपुतको नाम लिएर एउटा कुरा बोलेका थिए । जुन कुराले निकै चर्चा पाएको थियो ।

‘म पनि सुशान्तजस्तै बिहारबाट छु । बिहारी हुँ । तर म कमजोर छैन । यस्तोमा भोजपुरी उद्योगका मानिसहरु मेरो बारेमा के सोच्छन् । मलाई केही फरक पर्दैन’, उनले आफ्नो फेसबुक लाइभमा यो कुरा भनेका थिए ।