काठमाडौं– भोलि शुक्रबारबाट रिलिज हुने बलिउड फिल्म ‘मुम्बई सागा’ हेरिदिनका लागि फिल्मका अभिनेता जोन अब्राहमले नेपाली दर्शकलाई आग्रह गरेका छन् ।

उनले सामाजिक सञ्जाल फेसबुकमा एक छोटो भिडियो राख्दै नेपाली दर्शकलाई फिल्म हेर्न आग्रह गरेका हुन् ।

‘नेपालका सबै बासिन्दालाई म यो भन्न चाहन्छु कि मेरो फिल्म ‘मुम्बई सागा’ भोलि रिलिज हुँदैछ । गएर यो फिल्म हेर्नुहोला, इञ्जोय गर्नुहोला । यो फिल्म ठूलो पर्दाका लागि बनाइएको हो, सबैलाई मेरो प्रणाम’, उनले भनेका छन् ।

जोन अब्राहम र इमरान हाशमीको मुख्य भमिका रहेको फिल्ममा जोन अन्डरवर्ल्ड डनको भुमिकामा देखिएका छन् भने इमरान पुलिस अफिसरको भुमिकामा देखिएका छन् ।

फिल्ममा लेखक र निर्देशक संजय गुप्ता हुन् भने लगानी भूषण कुमारको रहेको छ ।

फिल्ममा सुनिल शेट्टी, महेश मान्जरेकर, काजल अग्रवाललगायतका कलाकारको पनि अभिनय छ ।