काठमाडौँ– नेकपा माओवादी केन्द्रका स्थायी समिति सदस्य वर्षमान पुनले राज्य सत्ता र राजनीतिक दलहरु समेत जनताको निगरानीमा रहनुपर्ने बताएका छन् ।

विकसित २१ सताव्दीको समाजवादी व्यवस्थाको कुरा गर्दै गर्दा यसको मर्म भनेको जनताबाट चुनिनुपर्ने नै भएको उनले बताएका हुन् ।

२३औं सांस्कृतिक प्रतिरोध दिवस को अवसरमा माओवादी मुख्यालय पेरिसडाँडामा आयोजित ‘आजको समाजवाद र संगठनात्मक संस्कृति’ विषयक अन्तरक्रियामा नेता पुनले चुन्ने र चुनिने खालको जनवादी अभ्यासमा जाने वित्तिकै राजनीति सुध्रिने जिकिर गरे ।

नेता पुनले अब लेलिनकालीन र माओकालीन नभई २० औं सताव्यदीका समाजवादी क्रान्तिबाट पाठ सिकेर विकास गर्नुपर्ने पनि बताए ।

हेरौँ भिडियो

फरक प्रसंगमा उहाले प्रधानमन्त्री केपी ओलीले समाजवादको बाटो छोड्न खोजेकाले समस्या सिर्जना हुन थालेको जिकिर गरे ।

एक पटक नेता भएपछि सधैं नेता नहुने, एक पटक क्रान्तिबाट जन्मिएको सत्ता सधैं क्रान्तिकारी नहुने, नोकरशाही हुने खतरा रहेको बताउँदै उनले राज्य सत्तालाई जनताको निगरानीमा राख्ने कुरा यसैको मर्म अनुसार आएको बताए ।