काठमाडौं – चलचित्र ‘कप्स’ को ट्रेलर सार्वजनिक गरिएको छ । अनुपविक्रम शाही र सन्दिपा लिम्बु स्टारर यो फिल्मको ट्रेलरलाई ओएसआर डिजिटलको युट्युब च्यानलमार्फत सार्वजनिक गरिएको हो ।

ट्रेलरमा अनुपविक्रम शाहीलाई प्रहरीको भूमिकामा देखाइएको छ भने चलचित्रले एक सच्चा इमान्दार प्रहरीको कथालाई उठाएको छ ।

सम्राट सापकोटाको लेखन, निर्देशन तथा स्किृप्ट रहेको यो फिल्ममा अनुप र सन्दिपाका अलावा रामराज क्षेत्री, अमीत गिरी, निरुता स्याङताङ, सुन्दर श्रेष्ठ लगायतका कलाकारले अभिनय गरेका छन् ।

फिल्ममा कविराज गहतराजको कोरियोग्राफी, विपिन मल्लको सम्पादन, राम शाक्यको निर्माण र सुसान प्रजापतिको छायांकन देख्न सकिन्छ ।

चलचित्र जेठ १७ गतेदेखि नेपालभर प्रदर्शन हुँदैछ ।