कोलकाता– भारतमा जारी लोकसभा चुनावअन्तर्गत सोमबार चौथो चरणमा ९ ओटा राज्यमा मतदान भइरहेको छ ।
सुरक्षा व्यवस्थालाई कडा पारिएको भनिएपछि ठूलो जनसंख्या रहेको भारतमा चुनावका क्रममा हिंसाका घटना भइ नै रहेका छन् ।
चौथो चरणको निर्वाचन अन्तर्गत सोमबारको मतदानका क्रममा भारतीय राज्य पश्चिम बंगालमा केही हिंसाका घटना सार्वजनिक भएका छन् ।
पश्चिम बंगालको आसनसोल क्षेत्रमा केन्द्रीय मन्त्री बाबुल सुप्रियोको कारमाथि केही व्यक्ति आक्रमण गरिदिएका छन् । आक्रमणबाट केन्द्रीय मन्त्री सुप्रियो चढेको गाडीका सिसा टुटेका भारतीय सञ्चारमाध्यमले जनाएका छन् ।
सुप्रियोको गाडीमा पोलिङ बूथ (मतदान केन्द्र)को बाहिर नै आक्रमण भएको जनाइएको छ । यद्यपि सुप्रियो भने सकुशल छन् ।
पश्चिम बंगाल क्षेत्रमा चर्चा कमाएका गायक समेत रहेका सुप्रियो भारतीय जनता पार्टी (भाजपा) बाट सन् २०१४ को चुनाव जितेर केन्द्रमा मन्त्री बनेका थिए ।
अघिल्लो चुनावमा सहजै जीत निकालेका सुप्रियोका लागि यसपटक आसनसोल क्षेत्रमा तृणमूल कांग्रेसबाट मनसुन सेन चुनावी मैदानमा छिन् । मनसुन कुनैबेलाकी एक चर्चित अभिनेत्री पनि हुन् ।
#WATCH Clash between TMC workers and security personnel at polling booth number 199 in Asansol. A TMC polling agent said, ‘no BJP polling agent was present at the booth.’ BJP MP candidate from Asansol, Babul Supriyo’s car was also vandalised outside the polling station. pic.twitter.com/goOmFRG96L
— ANI (@ANI) April 29, 2019
प्रतिक्रिया