मुम्बई– बलिउड अभिनेत्री राखी सावन्त ‘बिग बोस १४’ मा देखिनासाथ उनको चर्चा सुरु भयो । हालै मात्र गीतकार जावेद अख्तरले आफूमाथि एक फिल्म बनाउन लागेको उनले दाबी गरेकी थिइन् ।

जावेदले पनि राखीको दाबीलाई पुष्टि गर्दै कुनै दिन उनको बायोपिक बनाउने बताएका थिए । यदि राखीको बायोपिक बन्यो भने त्यसमा शीर्ष भूमिका कसले निभाउला भन्ने चर्चा बलिउडमा शुरु भएको छ ।

दैनिक जागरणमा प्रकाशित समाचार अनुसार राखीले आफ्नो बायोपिकका लागि तीन अभिनेत्रीको नाम सुझाएकी छन् । उनले अभिनेत्री आलिया भट्टलाई आफ्नो बायोपिकमा देख्न चाहेको उल्लेख गरेकी छन् ।

उनले प्रियंका चोपडा र राधिका आप्टेको पनि नाम लिएकी छन् । आलियाबाहेक यी दुई अभिनेत्रीमा आफ्नो भूमिका निभाउन सक्ने किसिमको चमक रहेको राखीको बुझाई छ ।