एजेन्सी – स्पेनिस ला लिगाको शीर्ष तेस्रो स्थानको रियल मड्रिडले आफ्नो कमजोर प्रस्तुतीलाई सुधार गर्न नसक्दा पछिल्लो खेलमा पनि पराजय भोग्नु परेको छ । आइतबार राति भएको खेलमा रियल मड्रिड लिगको पुछारमा रहेको रायो भालेकानोसँग १–० गोल अन्तरले पराजित भएको छ ।

रियल भालेकानोसँग १–० गोलले पराजित हुँदा भालकानोले पेनाल्टीमा गोल गरेको थियो । स्पेनको महान फुटबल क्लब रियल मड्रिडले यो वर्ष कुर्नै पनि लिगमा आफ्नो प्रदर्शन बलियो देखाउन सकेको छैन । जसको फलस्वरुप ला लिगामा शीर्ष तेस्रो स्थानमा रहेको छ ।

रियललाई हराउन घरेलु मैदानमा एडरियन इम्बारबाले खेलको २३ औं मिनेटमा पेनाल्टीमा गोल गरे ।

सन् २००४ पछाडि पुछारमा रहेको टोलीसँग रियल पहिलो पटक पराजित भएको बीबीसीले उल्लेख गरेको छ ।

पछिल्लो हारसँग तेस्रो स्थानमा रहेको रियलको ३५ खेलबाट ६५ अंक भएको छ । रियल दोस्रो स्थानको एट्लेटिको मड्रिड भन्दा ९ अंकले पछाडि छ ।

तालिकाको अन्तिमदेखि दोस्रोमा रहेको भालेकानोको ३१ अंक भएको छ ।