काठमाडौं– नेकपा एमालेका वरिष्ठ नेता माधवकुमार नेपालले २८ फागुनको निर्णय खारेज गर्न अध्यक्ष केपी शर्मा ओली सहमत नभएको बताएका छन् ।

प्रधानमन्त्री समेत रहेका नेकपा एमालेका अध्यक्ष केपी शर्मा ओली र वरिष्ट नेता नेपालबीच आज (सोमवार) भएको तीन घण्टा लामो छलफलमा नेपाल पक्षका नेताहरूले ओलीले २८ फागुनमा गरेको निर्णय मान्य नहुने बताएका थिए ।

अध्यक्ष ओलीले उक्त निर्णय खारेज गर्ने विषयमा सहमति नजनाएको नेपालले बताए ।

हेरौँ भिडियो

‘अदालतको फैसलापछि पूर्व एमालेको जुन स्थान थियो, संरचना, पदाधिकारी र सदस्यका हिसाबले, त्यो ठाउँमा फर्कौं,’ बैठकपछि नेता नेपालले भने, ‘२८ गतेको बैठक वैधानिक छैन, त्यसलाई शून्य स्थितिमा पुर्‍याऔँ।’