काठमाडौं– भारतीय अभिनेता अक्षय कुमारको फिल्म ‘सूर्यवंशी’ अन्ततः प्रदर्शनमा आउने भएको छ । कोरोना भाइरसका कारण लामो समयदेखि रिलिज हुन नपाएको यो फिल्मको प्रदर्शन मिति घोषणा गरिएको हो ।

फिल्मका निर्देशक रोहित सेट्टीका अनुसार अब यो फिल्म अप्रिल ३० (वैशाख १७) गते रिलिज हुने भएको छ ।

फिल्म यसअघि सन् २०२० मै रिलिज गर्ने भनिए पनि कोरोना भाइरसको महामारीका कारण रोकिएको थियो ।

कोरोनाका कारण भारतमा लामो समय सिनेमा हल बन्द गरिएका थिए ।

यो फिल्मको प्रचार १० अप्रिलदेखि थालिनेछ ।

निर्देशक रोहित सेट्टीले फिल्मको नयाँ प्रदर्शन घोषणा गर्दै खुशी व्यक्त गरेका छन् ।

गत वर्ष नै ट्रेलर सार्वजनिक गरिएको यो फिल्ममा कप युनिभर्स (प्रहरी युनिभर्स) देखाइनेछ । कप सिरिज भनिएको यो फिल्ममा क्याटरीना कैफ, अजय देवगन र रणवीर सिंहलाई पनि देख्न सकिनेछ ।

यसअघि रणवीर सिंहको फिल्म ‘सिम्बा’ र अजय देवगनको फिल्म ‘सिंघम’ सिरिज यसअघि प्रदर्शन भइसकेका छन् ।