काठमाडौं– नयाँ वर्ष २०७८ छेको पारेर रिलिज हुने फिल्म ‘कृष्णलीला’ को फस्टलुक सार्वजनिक भएको छ । फस्टलुकमा फिल्मका अभिनेता पुष्प खड्का फरक लुक्समा देखिएका छन् ।

फिल्ममा दीपक ओलीको निर्देशन छ । फस्टलुकमा एंग्री बर्डको टिसर्ट लगाएका पुष्पको हातमा डटपेनले कोरेको घडी देखिन्छ भने लहराले बनाएको चश्मा पहिरिएका छन् ।

रोहित कट्टेलको प्रस्तुति रहेको फिल्ममा पुष्पका साथमा बुद्धि तामाङ, रवीन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाई, आयुषा क्षेत्री, पिताम्बर आचार्यलगायतका कलाकारको अभिनय छ ।

आरआर फिल्म प्रोडक्सनको व्यानरमा निर्मित फिल्मको कार्यकारी निर्माता रत्न श्रेष्ठ हुन भने निर्मातामा प्रकाशराज कार्की र केवल तामाङ तथा सहनिर्मातामा पिताम्बर आचार्य र रोजन श्रेष्ठ छन् ।

आरआर फिल्म प्रोडक्सनले वितरण गर्ने फिल्ममा शिव ढकाल र बाबु श्रेष्ठको छायांकन छ ।