एजेन्सी – इंग्लिस प्रिमियर लिगमा शीर्ष चौथो स्थानका लागि संघर्षरत आर्सनल लेस्टरसिटीसँग पराजित भएको छ । आइतबार बेलुकी सम्पन्न खेलमा लेस्टरसिटीले आर्सनललाई ३–० गोल अन्तरले पराजित गरेको हो ।

आर्सनल मइतल्यान्डस् निल्सले २ पहेंलो कार्ड पाएपछि १० खेलाडीमा सिमित भएको थियो । त्यसकाको फाइदा उठाउन सफल भएको लेस्टरका लागि जमाइ भार्देले दुई तथा युरी तेइलेमान्सले एक गोल गरे । लेस्टरका लागि खेलको ५६ औं मिनेटमा तेइमानले गोल गर्दै टिमलाई १–० को अग्रता दिलाए ।

त्यस्तै, भार्देले खेलको ८६ मिनेटमा र खेलको अतिरिक्त समयको अन्तिम मिनेटमा गोल गर्दैै टिमलाई जीत दिलाएका थिए । जीतसँगै लेस्टरसिटी लिगको अंक तालिकामा ५१ अंकसहित ८ औं सथनमा रहेको छ ।

पराजित आर्सनल केही समयका लागि पाँचौ स्थानमा रहेपनि आज राति नै हुने म्यान्चेस्टर युनाइटेड र चेल्सीविरुद्धको खेलको नतिजाले उसको स्थान परिवर्तन हुनसक्नेछ ।

३६ खेलबाट ६४ अंक बनाएको आर्सनल पाँचौ स्थानमा छ भने ३५ खेल खेलेको चेल्सीको ६७ अंकरहेको छ भने ३५ वटै खेल खेलेको युनाइटेड ६४ अंकसहित छैठौं स्थान छ । चेल्सीले जिते आर्सनल यथावत रहनेछ भने युनाइटेडले जिते पछि धकेलिनेछ ।