एजेन्सी- इंग्लिस प्रिमियर लिग फुटबलमा आर्सनल र बर्नलीले बराबरी खेलेका छन् ।
शनिबार भएको खेलमा आर्सनल र बर्नली १-१ गोलको बराबरीमा रोकिएका हुन् ।
बर्नलीको मैदानमा सुरुवाती एक गोलको अग्रता जोगाउन नसक्दा आर्सनल अंक बाड्न बाध्य भयो ।
खेलको छैटौँ मिनेटमा पिएरे एम्रिक औबामियाङले गोल गर्दै आर्सनललाई अग्रता दिलाए पनि ३९औँ मिनेटमा क्रिस उडले गोल गर्दै बर्नलीलाई १-१ गोलको बराबरीमा ल्याए ।
त्यसपछि दुबै टोलीबाट गोल हुन सकेन । यस बराबरीसँगै आर्सनल २७ खेलमा ३८ अंकसहित लिगको दशौँ स्थानमा छ । बर्नली ३० अंकसहित १५औँ स्थानमा छ ।
प्रतिक्रिया