आफ्ना गीत र नृत्यका कारण भाइरल भएकी गायिका सपना चौधरी चर्चामा रहिरहन्छिन् । कहिले उनी आफ्नो नृत्यलाई लिएर सामाजिक सञ्जालमा चर्चामा रहन्छिन् भने कहिले उनी तस्वीरका कारण चर्चामा रहन्छिन् ।

सपना चौधरी हाल भने गौसेवाका कारण चर्चामा छिन् । तस्वीरमा उनी गाईको नजिक भुइँमा बसेको देख्न सकिन्छ । यी तस्वीरलाई गायिका चौधरीका फ्यानले रुचाएका छन् । चौधरीले पनि आफ्नो प्रतिक्रिया दिइरहेकी छिन् । सपना चौधरीले यी तस्वीर आफ्नो इन्स्टाग्राममा शेयर गरेकी छिन् ।

पछिल्ला दिनमा सपना चौधरी राजनीतिक हलचललाई लिएर पनि चर्चामा रहने गर्छिन् । हालै दिल्लीमा भाजपा अध्यक्ष र उत्तर–पूर्वी दिल्लीका भाजपा प्रत्याशी मनोज तिवारीको नामांकन दर्ता गर्दा पनि सपना चौधरीलाई देखिएको थियो । सपना चौधरीले जमेर भाजपाको प्रचार गरेकी थिइन् ।

यसअघि सपना चौधरी कांग्रेस पार्टीमा पनि सामेल भएको खबर बाहिर आएको थियो । उनको प्रियंका गान्धीसँगको एक तस्वीर पनि भाइरल भएको थियो उनको । पछि उनले आफू कांग्रेसमा जान नलागेको बताएकी थिइन् ।

पछि मनोज तिवारीसँग पनि उनको तस्वीर सार्वजनिक भएको थियो । त्यतिखेर नै धेरैले उनी भाजपामा प्रवेश गरेको अड्कल काटेका थिए । त्यतिबेला पनि सपनाले आफू कुनै पार्टीमा नलागेको बताएकी थिइन् ।

स्टेजमा पनि सपना चौधरीले आफ्ना गीतबाट फ्यानलाई निकै नचाउन पोख्त छिन् ।