काठमाडौं- आठ महिनादेखि साउदी अरबमा अलपत्र अवस्थामा रहेकी एक महिलाको उद्धार गरी स्वदेश फकाइएको छ । नेपाली भाषी पश्चिम बंगालस्थित अलिपुरकी ती महिलाको हेल्प नेपाली मिसन र आङ कामी शेर्पा अगुवाइमा उद्धार गरी स्वदेश फकाइएको हो । उनका नाम भने खुलाइएको छैन ।

आठ महिनासम्म अलपत्र ती महिला कहिले नेपाली दुतावास र कहिले साउदीमा रहको भारतीय दूतावासमा उद्धारका लागि धाउने गरेपनि उनको पहिचान नखुलेपछि मिसनले उद्धार गरी घरपरिवारलाई जिम्मा लगाएको छ ।

भारतीय नागरिक भएपनि दलाल पञ्चु लामाले स्याङ्जाकी सिमा सुबेदीको राहदानी बनाएर उनलाई साउदी पठाएको थिए ।

नक्कली कागजात भएका कारण साउदीबाट ती महिलालाई कसले उद्धार गर्ने भन्ने समस्या थिइ । त्यसपछि दुबै देशका दूतावासको सहयोगमा उद्धार गरिएको मिसनका अध्यक्ष कवि कार्कीले जानकारी दिए । यो विषयमा दुबै देशका दूतवासले अनुसन्धानका लागि सम्बन्धित निकायलाई पत्रचार गरेको उनको भनाई छ ।