काठमाडौँ- बार्सिलोना स्पेनिस कोपा डेल रे फुटबलको फाइनलमा प्रवेश गरेको छ ।
बुधबार राति घरेलु मैदानमा भएको सेमिफाइनलको दोस्रो लेगमा बार्सिलोनाले सेभिल्लालाई ३–० ले पराजित गर्दै फाइनलमा प्रवेश गरेको हो ।
पहिलो लेगमा बेहोरेको २-० को हारलाई उल्ट्याउँदै दोस्रो लेगमा बार्सिलोनाले समग्रमा ३–२ को प्रभावशाली जितसहित फाइनलमा पुगेको हो ।
घरेलु मैदानमा भएको खेलमा बार्सिलोनाका लागि १२ औँ मिनेटमा डेम्बेले र इन्जुरी समयमा पिकेले गोल गरे ।
लगत्तै अतिरिक्त समयमा थकेलिएको खेलमा ९५औँ मिनेटमा ब्रेथवेटले निर्णायक गोल गरे ।
प्रतिक्रिया