काठमाडौँ– चालकको लापरवाहीका कारण जीपको ठक्करबाट आफ्ना सहपाठीको मृत्यु भएको भन्दै बिद्यार्थीहरुले बुधबार ललितपुरको जावलाखेलमा प्रदर्शन गरेका छन् ।

एकान्तकुनाको आकाशे पुल नजिकै सडक पार गर्ने क्रममा ठक्कर दिएपछि गाडीले ब्याक गरेर सहकर्मीको ज्यान लिएको भन्दै कोटेश्वर बहुमुखी क्याम्पसका विद्यार्थीले जावलाखेलमा सडक अवरुद्ध गरेर प्रदर्शन गरेका छन् ।

बुधबार बिहान स १ ज ५६७ नम्बरको जीपको ठक्करबाट कोटेश्वर क्याम्पसमा अध्ययनरत १९ वर्षकी अन्जु दाहालको मृत्यु भएको थियो । न्यायको माग गर्दैै जावलाखेल चोकमा सडकै छेकेर विरोध गर्नु परेको बिद्यार्थीहरुले बताएका छन् ।

दाहाल सिन्धुपाल्चोक घर भई ललितपुरको बागडोलमा डेरामा बस्दै आएकी थिइन् । घटनापछि जिप चालकलाई पक्राउ गरिएको प्रहरीले जनाएको छ ।