काठमाडौं– अवैध हुण्डी कारोबारमा संलग्न  अभियोगमा प्रहरीले काठमाडौंको कुलेश्वरस्थितबाट तीनजनालाई पक्राउ गरेको छ।

महानगरीय प्रहरी वृत्त कालिमाटीका अनुसार पक्राउ परेकाहरूबाट १८ लाख ७८ हजार रुपैयाँ बरामद गरिएको छ ।

पक्राउ पर्नेमा नुवाकोटको विदुर नगरपालिका–१३ घर भई कान्तिपुर कोलोनीमा बस्ने ३७ वर्षीय नवराज कार्की, नुवाकोटको दुप्चेश्वर उँपालिका–६ घर भई तार्केश्वर नगरपालिका–१० बस्ने २४ वर्षीय सुमन थापा र भारतको बिहार घर भई कुलेश्वर बस्ने ५६ वर्षीय सत्यनारायण प्रसाद रहेका छन् ।

कुलेश्वर फलफूल बजारमा हुण्डी कारोबार भइरहेको सूचनाको आधारमा कारोबार गरीरहेको अवस्थामा उनीहरुलाई पक्राउ गरिएको हो ।

वृत्तका प्रहरी नायव उपरीक्षक अपीलराज बोहोराले उनीहरूमाथि थप अनुसन्धान भइरहेको बताए ।