एजेन्सी- स्पेनिस क्लब रियल मड्रिडले च्याम्पियन्स लिग फुटबलमा संघर्षपूर्ण जित निकालेको छ ।
बुधबार राति भएको पहिलो लेगमा रियलले १० खेलाडीमा सीमित इटालियन क्लब एट्लान्टालाई १-० को झिनो अन्तरले पराजित गरेको हो ।
एट्लान्टाको मैदानमा रियललाई जित दिलाउन फेर्लान्ड मेन्डीले निर्णायक गोल गरे । खेलको ८६औँ मिनेटमा मेन्डीले निर्णायक गोल गरे । उनले लुका मोड्रिचको पासलाई सदुपयोग गरे ।
त्यसअघि खेलको १७औँ मिनेटमा रिमो फ्रेलेरले रातो कार्ड पाएपछि घरेलु टिम १० खेलाडीमा समेटिएको थियो । जितसँगै रियलले क्वाटरफाइनल पुग्ने सम्भावना बलियो बनाएको छ ।
रियल र एट्लान्टाबीचको दोस्रो लेग मार्च १६ मा रियलको मैदानमा हुनेछ ।
प्रतिक्रिया