काठमाडौं– शेयर कारोबारमा प्राविधिक समस्या देखिएको छ । बुधवार कारोबार खुलेसँगै शेयर बजारमा कारोबार गर्न नमिल्ने समस्या देखिएको लगानीकर्ताहरुले गुनासो गरेका छन् ।

मंगलबार संसद पुनःस्थापना भएसँगै उत्साहजनक रुपमा शेयर बजार उक्सिने आँकलन गरिएको थियो । तर, बुधवार भने नेप्सेको वेबसाइटमै समस्या देखिएको पाइएको छ ।

लगानीकर्ताहरुले शेयर बजारमा चलखेल भएको हुनसक्ने बताएका छन् । आज एकैदिन नेपाल इन्फ्रास्टक्चर बैंकका शेयर मूल्य एक सय प्रतिशतले घटेको देखाएको छ ।

यसलाई प्राविधिक समस्याका रुपमा लिइएको छ । किनकि, कुनै पनि कम्पनीको शेयर मूल्य एकैदिन १० प्रतिशत मात्र बढ्न या घट्न मिल्दैन ।

यस्तै चन्द्रागिरी हिल्सको शेयर मूल्य पनि एकाएक घटेको देखिएको छ । शेयर कारोबारमा समस्या देखिएपछि लगानीकर्ताले किनबेच नै गर्न नपाएको गुनासो गरेका छन् ।

यस्तै शेयर बजार अनलाइन हेर्ने मेरो शेयरमा पनि समस्या देखिएको छ ।