काठमाडौँ– सञ्चारकर्मी रवि लामिछानेलगायतका टिमले ‘ग्यालेक्सी फोर के’ नामक नेपालमा पहिलो पटक ‘फोर के’ टेलिभिजन च्यानल सञ्चालनमा ल्याएका छन् ।

मंगलबार काठमाडौँमा एक कार्यक्रमको आयोजना गरी लामिछानेको टिमले नयाँ टेलिभिजन सञ्चालनको सुरुवात गरेको हो ।

लामिछाने यो मिडियाको प्रबन्ध निर्देशक हुन् । उनले फोर के टेलिभिजन नेपालमा पहिलो भएको दावी गरे ।
जनताको आवाजलाई र मनोरञ्जनलाई यो टेलिभिजनले प्राथमिकता दिने लामिछनेले बताए ।

यो टेलिभिजनले फ्रेन्चाइज शोहरु ‘को बन्छ करोडपति’ तथा ‘क्राइम पेट्रोल नेपाल’ का साथै रामायणको नेपाली संस्करणसमेत प्रशारण गर्ने घोषणा गरेको छ ।

को बन्छ करोपतिको दोस्रो संस्करणको शो पनि महानायक राजेश हमालले सञ्चालन गर्ने छन् ।

गोर्खा मिडिया नेटवर्कले ग्यालेक्सी फोर के टेलिभिजन सञ्चालनमा ल्याएको हो ।

गोर्खा मिडियाको अध्यक्षमा जीबी राई र उपाध्यक्ष छवीलाल बन्जाडे छन् ।