मुम्बई– निर्देशक तथा अभिनेता प्रभु देवा कोरियोग्राफीमा पनि परिचित अनुहार हुन् । सलमान खानको फिल्म ‘राधेः योर मस्ट वान्टेड भाइ’को निर्देशन पछि उनी यसको प्रमोसनमा व्यस्त छन् ।

प्रभु यतिबेला आफ्नो नयाँ लुक्सका कारण चर्चामा छन् । आधिक रवीचन्द्रनको निर्देशन रहेको फिल्म ‘बाघिरा’मा प्रभु एक पागल व्यक्तिको चरित्रमा देखिएका छन् । फिल्मको सार्वजनिक टिजर तथा पोस्टरमा उनको चरित्रलाई प्रस्तुत गरिएको छ ।

टिजरमा प्रभुलाई विभिन्न अवतारमा प्रस्तुत गरिएको छ । फिल्ममा उनी बाघिरा मुरलीधरन चरित्रमा छन् । टिजरमा उनलाई ‘साइको राजा’का रुपमा प्रस्तुत गरिएको छ ।

भ्यालेन्टाइनको अवसर पारेर गत फेब्रुअरी १४ मा दक्षिण भारतीय स्टार धनुषले फिल्मको फस्टलुक सार्वजनिक गरेका थिए । फस्टलुकमा अभिनेता प्रभुलाई अनुहार रगतसहित देखिएको थियो ।

रहस्यले भरीपूर्ण थ्रिलर फिल्ममा अमर्या दस्तुर, गायाथ्री शंकर, राम्या नाम्बीसान, जननी लायर, सञ्चीता सेट्टी, साक्षी अग्रवाल, सोनिया अग्रवाल, साई कुमार, नसर र प्रगथीलगायतको अभिनय छ ।
–एजेन्सी