एजेन्सी– भारतको मध्यप्रदेशस्थित बाणसागर नहरमा बस खस्दा भएको दुर्घटनामा ज्यान गुमाउनेको संख्या ४२ पुगेको छ । बसमा ५४ जना यात्रु सवार रहेको भारतीय सञ्चारमाध्यमहरुले जनाएका छन् ।

सात जनाको जीवितै उद्दार गरिएको छ भने ४२ जनाको शव निकालिएको छ । नहरमा बेपत्ता भएकाको खोजी भइरहेको छ । बस चालकले पौडिएर ज्यान बचाएको र उनलाई प्रहरीले नियन्त्रणमा लिएको छ । मृत्यु हुनेमा १२ जना विद्यार्थी पनि रहेका छन् । नहरमा पानीको तीव्र बहावका कारण मृत्यु भएकाहरुको शव घटनास्थलभन्दा टाढा टाढा भेटिएको थियो । अहिले नहरको पानी बन्द गरिएको छ ।

मंगलबार बिहान साढे सात बजे उक्त दुर्घटना भएको प्रहरी अधिकारीले जानकारी दिएका छन् । २२ फिट गहिरो नहरमा बस खसेको हो ।

सिधी मार्गबाट छुहिया उपत्यका हुँदै उक्त बस सतना भन्ने स्थान जाँदै थियो । सडकमा ट्राफिक जाम भएपछि चालकले रुट परिवर्तन गरी नहरको किनारबाट बस चलाउने क्रममा दुर्घटना भएको हो । ३२ जनाको सिट क्षमता भएको उक्त बसमा ५४ जना यात्री सवार थिए ।

मध्य प्रदेशका मुख्यमन्त्री शिवराज चौहानले मृतकका परिवारलाई पाँच लाखका दरले सहायता प्रदान गर्ने घोषणा गरेका छन् ।

वहां राहत कार्य में लगे लोगों और प्रशासन से चर्चा कर रहा हूं। बहुत दुखद है कि अभी तक लगभग 18 शव निकाले जा चुके हैं। वहां लगातार काम जारी है। इस दुखद घटना में हमारे जो भाई बहन नहीं रहे उनके परिवार को 5 लाख रुपए की तात्कालिक सहायता प्रदान की जाएगी: शिवराज सिंह चौहान https://t.co/1uhsNas48L

— ANI_HindiNews (@AHindinews) February 16, 2021