एजेन्सी- अमेरिकी संसद भवन क्यापिटल हिलमा पूर्वराष्ट्रपति डोनाल्ड ट्रम्पका समर्थकले गरेको आक्रमणको छानविन स्वतन्त्र आयोगमार्फत हुने भएको छ ।

कंग्रेसकी सभामुख न्यान्सी पेलोसीले जनवरी ६ मा ट्रम्पका समर्थकले गरेको आक्रमणको छानविन स्वतन्त्र आयोगमार्फत गरिने जनाएकी छन् ।

अनुसन्धान आयोगले सन् २००१ को सेप्टेम्बर ११ मा न्युयोर्क र पेन्टागनमा भएको आतंककारी हमलाकै शैलीमा यो घटनाको छानविन गर्ने  सांसदहरुलाई लेखेको पत्रमा पेलोसीले उल्लेख गरेकी छन् ।

डेमोक्रेट तथा केही रिपब्लिकन सिनेटरले स्वतन्त्र छानविनको माग गरिरहेका बेला पेलोसिको पछिल्लो अभिव्यक्ति सार्वजनिक भएको हो ।

सिनेटले ट्रम्पमाथिको महाअभियोग भने अस्वीकृत गरेको छ ।