झापा– जनता समाजवादी पार्टीका नेता रकम चेम्जोङ्ले संसद विघटनकाविरुद्ध नेपाली कांग्रेस सहमत भए संयुक्त आन्दोलन सुरू गर्ने बताएका छन् ।

ताप्लेजुङ्बाट फर्कने क्रममा झापाको दमकमा आईतबार भएको पत्रकार भेटघाटमा उनले लोकतन्त्रको रक्षाका लागि कांग्रेस पनि यसमा तयार हुने विश्वास व्यक्त गरे ।

हरेक लोकतान्त्रिक परिवर्तनमा कांग्रेसले महत्वपूर्ण भुमिका निर्वाह गरेकाले संसद विघटन पछि लोकतन्त्रमा परेको खतरा प्रति कांग्रेस पनि सजग रहेको हुन सक्ने उनको भनाइ छ ।

लोकतन्त्रमा कोही पनि निर्वाचनबाट भाग्न नहुने तर्क जायज रहे पनि अहिले अलोकतान्त्रिक प्रक्रियाबाट संसद विघटन गरी निर्वाचन घोषणा गरिएकाले यो मान्य नहुने उनको भनाइ थियो ।

म्यानमारमा सेनाले सत्ता कव्जा लिएको घटनासँग नेपालको तुलना गर्दै उनले नेपालमा पनि म्यानमारको जस्तै कु गरिएको तर प्रक्रियामा मात्र गलत भएको उनले दावी गरे ।