काठमाडौँ- राष्ट्रिय महिला लिग फुटबलमा आज दुई खेल हुँदैछन् ।

सातदोबाटोस्थित एन्फा कम्प्लेक्समा हुने पहिलो खेलमा एपीएफ क्लब र वालिङ नगरपालिका भिड्नेछन् ।

दोस्रो खेलमा विराटनगर महानगरपालिका र चौदण्डीगढी नगरपालिकाबीच प्रतिस्पर्धा हुनेछ ।

विभागीय टिम एपीएफ र वालिङबीचको खेल मध्याह्न १२ बजे सुरु हुनेछ ।

८ खेलसम्म अपराजित एपीएफ २४ अंक जोडेर शीर्ष स्थानमा रहेको छ ।

एपीएफ वालिङलाई हराएर दोस्रो स्थानको त्रिभुवन आर्मीविरुद्ध अंक दूरी फराकिलो बनाउन चाहन्छ ।

वालिङविरुद्ध एपीएफलाई जित निकाल्न सहज भने हुने छैन ।अफ्रिकन खेलाडीको साथ पाएको वालिङ निकै बलियो रहेको छ ।वालिङ १४ अंक जोडेर तेस्रो स्थानमा रहेको छ ।

विराटनगर र चौदण्डीबीचको खेल भने अपरानह्न ३ बजे सुरु हुनेछ । विराटनगर ९ खेलमा १० अंक जोडेर पाँचौं स्थानमा रहेको छ ।

चौदण्डीलाई हराएर विराटनगर अंक तालिका सुधार गर्न चाहन्छ । चौदण्डी भने अंक विहीन रहेको छ । चौदण्डी पुछारमा रहेको छ ।