काठमाडौं- फिल्म ‘वीर विक्रम २’ को ट्रेलर सार्वजनिक गरिएको छ । बिहीवार राजधानीमा एक कार्यक्रमको आयोजना गरी पत्रकारमाझ ट्रेलर सार्वजनिक गरियो । उक्त ट्रेलरलाई युट्युबमा पनि रिलिज गरिएको छ ।

पल शाह, वर्षा शिवाकोटी, नाजिर हुसेन र बुद्धि तामाङको शीर्ष भूमिका रहेको यो फिल्ममा मिलन चाम्सको निर्देशन देख्न सकिन्छ । यस्तै फिल्ममा देशभक्त खनाल, विनिषा भण्डारी, सन्तोष खनाल, मनिष लिम्बु, मनोज केसी लगायतका कलाकारले पनि अभिनय गरेका छन् ।

फिल्ममा लगानी निर्देशक चाम्सकै छ भने सह–निमार्तामा रञ्जिता शिवाकोटी छिन् । यस्तै फिल्ममा प्रदीप भारद्वाजको लेखन रहेको छ भने वनिष शाहको सम्पादन, नवराज उप्रेतीको छयाांकन र हिमाल केसीको द्वन्द्व देख्न सकिनेछ ।

चलचित्रले आउँदो जेठ ३ लाई रिलिज मिति तोकेको छ ।