लसएन्जल्स– विलासी सामान समूह एलभीएमएच र गायिका रिहानाले आफ्नो फेन्टी फेसन लेभललाई बन्द गर्ने सहमति गरेका छन् । झन्डै दुई वर्षदेखि फेसनसँग सम्बन्धित सामाग्री उत्पादन गर्दै आएको फेन्टी फेसनलाई अब निरन्तरता नदिनेमा दुवै पक्ष सहमत भएका हुन् । यद्यपि सेभेगेज एक्स फेन्टीसँगै फेन्टी ब्यूटी र फेन्टी स्किनलाई भने उनीहरुले निरन्तरता दिने भएका छन् ।

एलभीएमएचले फेन्टीका तयारी पहिरनलाई भने अहिले ‘होल्ड’ मै राखेर राम्रो अवस्थामा मात्र बिक्री गर्ने बताएको छ । फेसन विश्लेषकहरु रिहानाको धेरै फ्यान भए पनि फेन्टी लेभलको मूल्य अधिक महंगो रहेको दाबी गर्छन् । तर एलभीएमएच र रिहानाले फेन्टी पर्यावरणलाई दीर्घकालिन रुपमा अगाडि बढाउन आफूहरु एकाग्र भएको जनाएका छन् ।

रिहानाले सन् २०१९ देखि फेन्टी ब्राण्डलाई सञ्चालनमा ल्याएकी हुन् । तर ब्राण्डको आधिकारिक इन्स्टाग्राम एकाउण्टमा फेन्टी ब्राण्ड सुरु भएदेखि कुनै पनि पोस्ट गरिएको छैन । गत वर्षको नोभेम्बरदेखि फेन्टीमा नयाँ पहिरन के आएका छन् भन्ने जानकारी उनले कसैलाई दिएकी छैनन् ।
–एजेन्सी