काठमाडौं– निर्देशक दीवाकर भट्टराईको निर्माण तथा निर्देशनमा बन्न लागेको फिल्म ‘तिमीसँगै हुने मन छ’मा भारतीय अभिनेता रोहित सुचान्तीले अभिनय गर्ने भएका छन् । भारतीय टेलिसिरियल ‘तुने प्यार क्या किया’ र ‘रिश्ता लिखंगे हम नयाँ’ लगायत आधा दर्जन टेलिसिरियलमा अभिनय गरिसकेका रोहितले रियालिटी शो ‘बिग बोस १२’मा पनि सहभागिता जनाइसकेका छन् ।

मुम्बईको महावीर जैन कलेजमा अध्ययन गरेका उनले फिल्म ‘तिमीसँगै हुने मन छ’मा अभिनेत्री दीपिका प्रसाईंसँग रोमान्स गर्नेछन् । निर्देशक दिवाकरका अनुसार फिल्मका लागि अभिनेताद्वय पल शाह र पुष्प खड्कासँग मौखिक कुराकानी भए पनि टुंगो लागिसकेको छैन ।

ओम नव शिवाय प्रोडक्सनको व्यानरबाट निर्माण हुने फिल्मको छायांकट चैतको पहिलो हप्ता शुरु हुनेछ । प्रेमकथामा आधारित फिल्ममा प्राविधिक समूह भारतबाट नै आउने निर्देशक दिवाकरले बताए ।