काठमाडौँ– नेपाल कम्युनिस्ट पार्टी दाहाल–नेपाल समूहले बुधबार आयोजना गरेको विरोध सभामा अध्यक्ष पुष्पकमल दाहाल ‘प्रचण्ड’ प्रधानमन्त्री केपी शर्मा ओलीविरुद्ध खरो रुपमा प्रस्तुत भए ।
उनले ओलीको कदम असंवैधानिक भएको बताउँदै ‘निरंकुशता’तर्फ गए थप विद्रोह चर्किने चेतावनी दिए ।
उनले आजको प्रदर्शनमा ५ लाख मानिस उतारेको दाबी गर्दै भने ‘केपीजी देख्नुभयो सभा कस्तो हुन्छ ? देख्नुभयो विरोध कस्तो हुन्छ ?’
उनले ओलीको नाटक सबैभन्दा बढी यो तीन वर्षमा आफूले भोगेको बताए ।
उनले ओलीले बिहान माधव नेपाललाई बोलाएर प्रधानमन्त्री बनाउने, बेलुका वामदेवलाई बनाउने भन्ने कुराले उनको नाटकको पर्दाफास भएको समेत आरोप लगाए ।
प्रतिक्रिया