मुम्बई–९३ औं संस्करणको ओस्कार अवार्डका लागि भारतबाट प्रतिष्पर्धी रहेको मलयाली फिल्म ‘जल्लीकट्टु’ प्रतिष्पर्धाबाट बाहिरिएको छ । यद्यपि ओस्कारमा अर्को भारतीय लाइभ एक्सन सर्ट फिल्म ‘बिट्टु’ प्रतिष्पर्धी छ ।

यसपटकको ओस्कारका लागि ‘जल्लीकट्टु’ पहिलो प्रतिष्पर्धीको रुपमा मनोनयनमा परेको थिए । यो फिल्म ‘शकुन्तला देवी’, ‘शिकारा’, ‘गुञ्जन सक्सेना’, ‘भोंसले’, ‘गुलाबो सिताबो’, ‘सीरियस मेन’, ‘बुलबुल’, ‘कामयाब’, ‘द पिंक स्काई’जस्ता फिल्मलाई पछि पार्दै ओस्कार मनोनयनमा परेको थियो ।

यसअघि बलिउडका फिल्महरु ‘मदर इण्डिया’, ‘सलाम बम्बे’ र ‘लगान’ विदेशी भाषाको फिल्म विधाको मनोनयनमा परे पनि अवार्ड जित्नबाट बञ्चित भएका थिए ।
–एजेन्सी