काठमाडौं – नेपाल कम्युनिस्ट पार्टी (नेकपा) को प्रचण्ड–नेपाल समूहको केन्द्रीय समितिको बैठक शुरु भएको छ । काठमाडौंको बबरमहलस्थित कार्की ब्यांक्वेटमा बैठक शुरु भएको हो ।

आजको बैठकमा प्रधानमन्त्री तथा ओली समूहका नेकपाका अध्यक्षसमेत रहेका केपी ओलीलाई पार्टीको साधारण सदस्य समेत नरहने गरी अनुमोदन गरी कारबाही गर्ने जनाइएको छ ।

यसअघि बिहान ११ बजेका लागि बोलाइएको बैठक दिउँसो १ बजेका लागि सारिएको थियो । त्यसपछि पनि एक घन्टा ढिलो शुरु भएको हो ।

यस्तै प्रतिनिधिसभा विघटन गरेर निर्वाचन घोषणा भइसकेको अवस्थामा प्रचण्ड–नेपाल समूह निर्वाचन आयोगमा जाने या नजाने विषयमा पनि छलफल हुने जनाइएको छ ।

त्यसैगरी पुस ५ गते भएको संसद विघटनको विरोधमा भइरहेका आन्दोलनबारे पनि बैठकमा समीक्षा गरिने एक सदस्यले जानकारी दिए ।