काठमाडौं – भारतले आर्थिक वर्ष २०२१/२२ मा नेपाललाई दिँदै आएको अनुदान रकम बढाएको छ ।

सोमवार भारतीय वित्तमन्त्री निर्मला सीतामरणले सार्वजनिक गरेको बजेट अनुसार नेपाललाई अघिल्लो वर्षको तुलनामा यसवर्ष थप १ अर्ब ९२ करोड भारतीय रुपैयाँ अनुदान दिइने भएको हो ।

भारत सरकारले यसवर्ष ९ अर्ब ९२ करोड (नेपाली रुपैयाँ १५ अर्ब ८७ करोड २० लाख) अनुदान दिने भएको हो । भारत सरकारले आज प्रस्तुत गरेको बजेट कार्यक्रममा उक्त रकम अनुदानस्वरुप उपलब्ध गराउने उल्लेख गरेको हो ।

यो आर्थिक वर्षमा बढी अनुदान पाउने राष्ट्रमा पहिलो नम्बरमा भुटान र त्यसपछि नेपाल रहेको छ ।

अघिल्लो वर्षको तुलनामा यस वर्ष भारत सरकारले एक अर्ब १२ करोड भारतीय रुपैयाँ (नेपाली रुपैयाँ एक अर्ब ७९ करोड २० लाख) अनुदान सहयोग बढाएको हो ।

भारतले अघिल्लो आर्थिक वर्ष नेपाललाई ८ अर्ब ८० करोड भारतीय रुपैयाँ उपलब्ध गराएको थियो ।

भारतले जारी गरेको बजेट सन् अप्रिल २०२१ बाट कार्यान्यवनमा आउनेछ । यस आर्थिक वर्षको बजेटमा भारतलले स्वास्थ्य क्षेत्रलाई प्राथमिकतामा राखेको छ ।

यस्तो छ भारतले छिमेकी मुलुकमा दिने अनुदान (भारतीय रूपैयाँमा)

भुटान: ३० अर्ब ४ करोट
नेपाल : ९ अर्ब ९२ करोड
अफगानिस्तान : ३ अर्ब ५० करोड
बंगलादेश : २ अर्ब
श्रीलंका : २ अर्ब
माल्दिभ्स : २ अर्ब ५० करोड
म्यानमार : ४ अर्ब