एजेन्सी- सन् २०२१ शुरू हुनासाथ अभिनेता वरुण धवन आफ्नो स्कूलदेखिकै प्रेमिका नताशा दलालसँग विवाह बन्धनमा बाँधिए ।

उनीहरुको विवाहपछि मलाइका अरोडा र अर्जुन कपूर, कटरीना कैफ र विक्की कौशल, दिशा पाटनी र टाइगर श्राफ तथा आलिया भट्ट र रणवीर कपूरको विवाह हुने चर्चा थियो ।

यी सबै जोडीमध्ये आलिया र रणवीरको विवाह चाँडै हुने अनुमान गरिएको थियो । मिडियाका चासो पनि उनीहरुको विवाह कहिले हुन्छ भन्नेमै थियो ।

तर, ताजा रिपोर्ट अनुसार उनीहरु तत्काल विवाह गर्ने मनस्थितिमा छैनन् । उनीहरु अर्को वर्षसम्मका लागि केबल साथीकै रुपमा सम्बन्धलाई निरन्तरता दिन चाहन्छन् । आलियाको रणवीरकी आमा नीतू कपूरसँग राम्रो बण्डिङ छ । त्यहीकारण पनि नीतू तत्कालका लागि रणवीर र आलियाको विवाह गराउने सोचमा छैनन् ।

आलिया र रणवीर सन् २०१८ देखि अफेयरमा छन् । आलिया प्राय रणवीरको फोटो र भिडियोमा प्रतिक्रिया दिइरहन्छिन् । हालैमात्र उनीहरुले यो जोडीले राजस्थानमा नयाँ वर्ष मनाएको थियो । रणवीर र आलिया अयान मुखर्जी निर्देशित फिल्म ‘ब्रह्मास्त्र’ मा देखिँदैछन् ।